Author: eKhasyauli.com

सनिवार २१ चैत्र २०८२ । काठमाडौं : शंकर समूहका अध्यक्ष शंकर अग्रवाललाई प्रहरीको केन्द्रीय अनुसन्धान ब्युरो (सीआईबी) ले शुक्रबार साँझ पक्राउ गरेको छ। सम्पत्ति शुद्धीकरण विभागमा बयानपछि उनलाई जिल्ला प्रहरी परिसर ललितपुरको हिरासतमा राखिएको छ। यसअघि बिहीबार व्यवसायी दीपक भट्ट पनि पक्राउ परेका थिए। जानकारी अनुसार उनीहरूमाथि पब्लिक लिमिटेड कम्पनीको स्रोत दुरुपयोग गरी सेयर बजार, बिमा र जलविद्युत् क्षेत्रमा प्रभाव विस्तार गरेको आरोप छ। घटनाबारे थप अनुसन्धान भइरहेको सीआईबीले बताएको छ।

शुक्रबार २० चैत,२०८२। काठमाडौं । नेपाल आयल निगमले पेट्रोल, डिजेल र मट्टितेलमा प्रतिलिटर १५ रुपैयाँका दरले मूल्यवृद्धि गरेको छ । चैत २० गते (अहिले मध्यरात) बिहानैदेखि लागु हुनेगरी आयल निगमले मूल्यवृद्धि गरेको जनाएको छ । नयाँ वृद्धि गरिएको मूल्य अनुसार अब तेस्रो वर्ग अर्थात काठमाडौं, पोखरा र दिपायलमा पेट्रोलको मूल्य प्रतिलिटर २०२ रुपैयाँ पुगेको छ । यसअघि १८७ रुपैयाँ थियो । यी तीन ठाउँमा यसअघि डिजेल र मट्टितेलको मूल्य १६७ रुपैयाँ लिटर रहेकामा अब १८२ रुपैयाँ पुगेको छ । यस्तै पहिलो वर्गअन्तर्गत रहेका चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जमा यसअघि पेट्रोलको मूल्य प्रतिलिटर १८४ रहेकामा अब १९९…

बिहीबार१९ चैत,  २०८२। काठमाडौं : बिहीबार सेयर बजारमा झिनो अंकको सुधार देखिएको छ । अघिल्लो दिन ७४.७३ अंक घटेको बजार आज ५.८२ अंक बढेको हो । आजको कारोबारपछि नेप्से २७८२ अंकमा कायम भएको छ । आज बजार खुलेपछि केही उतारचढावका बीच दिउँसो १ ः ०७ बजे नेप्से परिसूचक २८०८ अंकसम्म पुग्यो । जुन अंक कारोबार अवधिभरको अधिकतम रह्यो । बजारमा कारोबार रकम पनि घटेको छ । अघिल्लो दिन १२ अर्ब १० करोडको कारोबार भएकोमा आज ८ अर्ब ८१ करोडको भयो । ९८ कम्पनीको मूल्य बढ्यो, १५८ को घट्यो भने १२ को स्थिर रह्यो । व्यापार सबैभन्दा धेरै २.५३ प्रतिशत बढ्यो…

बिहीबार, १९ चैत २०८२ । काठमाडौं : सरकारले सरकारी खर्चमा मितव्ययिता कायम तथा सूचना प्रकाशन प्रक्रियालाई पारदर्शी र एकरूप बनाउन भन्दै सरकार सञ्चार माध्यममामात्र विज्ञापन प्रकाशन प्रकाशन गर्न निर्देशन दिएको छ । प्रधानमन्त्री तथा मन्त्रिपरिषद्को कार्यालय, सिंहदरबारले जारी गरेको पत्रअनुसार अब सार्वजनिक निकायहरूले आफ्ना सूचना तथा विज्ञापनहरू सरकारी सञ्चार माध्यममार्फत मात्र प्रकाशन तथा प्रसारण गर्नुपर्ने छ। शाखा अधिकृत विनोद रेग्मीले सचिवस्तरबाट बुधबार भएको निर्णयअनुसार संघ, प्रदेश र स्थानीय तहका सबै निकायहरूले प्रेषित गरेका छन् । उक्त पत्रअनुसार अब सरकार विज्ञापन र सूचनाहरू गोरखापत्र संस्थान, रेडियो नेपाल र नेपाल टेलिभिजन जस्ता सरकारी स्वामित्वका सञ्चार माध्यममै प्रकाशन गर्नुपर्ने छ । त्यस्तो प्रकाशन…

बुधबार, १८ चैत्र २०८२ । काठमाडौं : श्रम संस्कृति पार्टीका अध्यक्ष एवं सांसद हर्क साम्पाङले भदौ २४ गते सिंहदरबार, संसद् भवन र सर्वोच्च अदालत जलाउनेलाई पनि कारबाही हुनु पर्ने भनाइ राखेका छन्। डिस्कोर्डमा योजना बनाएर बालबालिकालाई स्कुल ड्रेसमा आन्दोलनमा बोलाउने, शान्तिपूर्ण आन्दोलनलाई भड्काउने र हिम्स्रक बनाउनेहरूलाई कारबाही हुनुपर्ने उनले बताए। ‘डिस्कोर्डमा योजना बनाएर बालबालिकालाई स्कुल ड्रेसमा आन्दोलनमा बोलाउने, शान्तिपूर्ण आन्दोलनलाई भड्काउने हिम्स्रक बनाउने र २४ गते सिंहदरबार, संसद भवन र सर्बोच्च अदालत योजनाबद्ध जलाउनेलाई पनि कारवाही हुनु पर्छ!’ उनले सामाजिक सञ्जालमा लेखे।

मंगलबार,१७ चैत २०८२। काठमाडौं  : संसद् सचिवालयले सर्वदलीय बैठक आह्वान गरेको छ । सरकारको सिफारिसमा राष्ट्रपतिबाट संघीय संसद्को अधिवेशन आह्वान भएसँगै संसद सचिवालयले सर्वदलीय बैठक बोलाएको हो । गत २१ फागुनमा सम्पन्न प्रतिनिधिसभा सदस्य निर्वाचनबाट निर्वाचित सांसदहरूको पहिलो बैठक १९ चैत दिउँसो २ बजेका लागि बोलाइएको छ । संघीय संसद् सचिवालयका सहसचिव एवं प्रवक्ता एकराम गिरीका अनुसार बुधबार दिउँसो १ बजे सर्वदलीय बैठक बस्दैछ । प्रतिनिधिसभाको बैठक सुरु हुनुभन्दा एक घण्टाअघि सर्वदलीय बैठक बस्नेछ । बैठकमा सबै दलका प्रतिनिधि, सरकारका प्रतिनिधि र संघीय संसद् सचिवालयका अधिकारीहरू सहभागी हुनेछन् । प्रतिनिधिसभाको अबको बैठकले सभामुखको निर्वाचनको प्रक्रिया अगाडि बढाउनेछ । यसका अलावा…

साेमबार, १६ चैत्र २०८२ । काठमाडौं : इरानसँगको करिब एक महिना लामो युद्धका कारण दबाबमा रहेका अमेरिकी राष्ट्रपति डोनाल्ड ट्रम्पको नीतिविरुद्ध अमेरिका तथा विश्वभर विशाल प्रदर्शन भएका छन्।  गत शनिबार आयोजित तेस्रो ‘नो किङ्स र्‍याली’ मा आयोजकहरूका अनुसार ८० लाखभन्दा बढी मानिस सहभागी भएका थिए। अन्तर्राष्ट्रिय सञ्चारमाध्यमका अनुसार अमेरिकाका सबै ५० राज्यमा तीन हजार ३०० भन्दा बढी स्थानमा यी प्रदर्शन आयोजना गरिएका थिए। यसलाई अमेरिकी इतिहासको एकै दिनमा भएको सबैभन्दा ठुलो प्रदर्शनमध्ये एक मानिएको छ। गत वर्ष अक्टोबरमा भएको दोस्रो ‘नो किङ्स’ प्रदर्शनभन्दा यस पटक करिब १० लाख बढी सहभागिता रहेको आयोजकहरूले बताएका छन्। प्रदर्शनकारीहरूले इरानसँगको बढ्दो तनाव, कडा आप्रवासन…

साेमबार १६ चैत, २०८२ । काठमाडौं : विशेष अदालतले पूर्वप्रधानमन्त्री माधवकुमार नेपाल लगायतविरुद्ध चलेको भ्रष्टाचार मुद्दामा बहस नोट पेश गर्न आदेश दिएको छ । विशेष अदालतका सदस्यहरु हेमन्त रावल, डिल्लीरत्न श्रेष्ठ र उमेश कोइरालाको इजलासले मुद्दाका दुवै पक्षलाई बहस नोट पेश गर्न आदेश दिएको हो । अख्तियारले पतञ्जलि प्रकरणमा हदबन्दीभन्दा बढीको जग्गा बिक्री र सट्टापट्टा गर्न दिएर भ्रष्टाचार भएको आरोपहरु लगाएको थियो । हदबन्दीभन्दा बढी जग्गा खरिद गर्न र गराउन गलत लिखत तयार गरेको उसको आरोप थियो । अख्तियारले त्यो आरोपमा मालपोत कार्यालय काभ्रेका कर्मचारीहरु मुद्दा चलाएको थियो । पूर्वप्रधानमन्त्री माधवकुमार नेपाल, तत्कालीन कानूनमन्त्री प्रेमबहादुर सिंह, भूमिसुधारमन्त्री डम्बर श्रेष्ठ अनि…

आइतबार १५ चैत २०८२ ।  काठमाडौं : विद्यालय तथा उच्च शिक्षामा भर्नाका लागि सरकारले प्रवेश परीक्षा तयारी कक्षा तथा ब्रिज कोर्स बन्द गराउने निर्णय गरेको छ। शिक्षामन्त्री सस्मित पोखरेलले आगामी बैशाख १ गतेदेखि लागुहुने गरी यस्तो निर्णय गरेका हुन्। यसले शिक्षाको समतामुलक पहुँचमा नकारात्मक प्रभाव पार्ने र बिद्यार्थीलाई आर्थिक भार समेत पार्ने भएकाले बन्द गरिएको मन्त्रालयद्वारा जारी बिज्ञप्तिमा उल्लेख छ। यसको जिल्ला प्रशासन कार्यालयलाई अनुगमनको जिम्मेवारी दिइएको छ।

आईतवार, १५ चैत २०८२ । काठमाडौ : नयाँ सरकारप्रति सेयर लगानीकर्ता उत्साहित हुन सकेका छैनन् । नयाँ सरकार गठनपछिको पहिलो कारोबारमै सेयरबजार परिसूचक नेप्से ७१ अंकले घटेको छ । आइतबार नेप्से ७१.०५ अंकले घटेर २ हजार ८७९.११ विन्दुमा कायम भएको हो । आज सेयरबजारमा ३३३ कम्पनीका सेयर कारोबार भएका छन् । यी मध्ये १० कम्पनीका सेयरमूल्य बढेका छन् भने २५५ कम्पनीका सेयरमूल्यमा गिरावट आएको छ । आज सेयरबजारमा ३ करोड ५२ लाख ४८ हजार ३९७ कित्ता सेयर १५ अर्ब ३ करोड ३३ लाख ११ हजार रुपैयाँमा किनबेच भएको छ । सेयरबजारमा सूचीकृत समूहगत परिसूचकमा सबै समूहको परिसूचक ओरालो लागेका छन्…